ဖောက်ထွင်းမြင်နိုင်သည့် Firefox OS ဖုန်း (သို့မဟုတ်) LG Fx0

Mozilla ၏ Firefox OS အသုံးပြုထားသော စမတ်ဖုန်းတစ်မျိုးကို ဂျပန်နိုင်ငံတွင် မိတ်ဆက်ပေးခဲ့သည်။ Fx0 ဟု အမည်ရသည့် အဆိုပါ စမတ်ဖုန်းကို LG က ထုတ်လုပ်ထားပြီး တိုကုဂျင်း ယိုရှီအိုကမှ ဒီဇိုင်းဖန်တီးထားခြင်း ဖြစ်သည်။
Fx0 ကို ဖောက်ထွင်းမြင်နိုင်သည့် ဒီဇိုင်းအသွင် ပြုလုပ်ထားသည့်အတွက် ဖုန်းအတွင်းပိုင်းရှိ အစိတ်အပိုင်းများကို ကာဗာဖွင့်စရာမလိုဘဲ မြင်တွေ့နိုင်မည် ဖြစ်သည်။ ထို့အပြင် ရွှေရောင် Firefox logo ပါဝင်သည့် home ခလုတ်တစ်ခုကိုလည်း ထည့်သွင်းပေးထားသည်။
Fx0 သည် ယခင် Firefox OS ဖုန်းအားလုံးနှင့် ကွဲပြားခြားနားသည်။ ထို့အပြင် ဈေးအကြီးဆုံး Firefox OS ဖုန်းဟု ခေါ်ဆိုနိုင်ပြီး တန်ဖိုးမှာ ယန်း ၅၀,၀၀၀ (အမေရိကန်ဒေါ်လာ ၄၁၄) ဖြစ်သည်။
အတွင်းပိုင်းသို့ ဖောက်ထွင်းမြင်နိုင်သည့် ဒီဇိုင်းဖြင့် ပြုလုပ်ထားသော်လည်း Fx0 ၏ ဒီဇိုင်းသည် LG G3 နှင့် ဆင်တူသည်။ ၎င်းတွင် ၄.၇ လက်မ IPS touchscreen ကို အသုံးပြုထားသော်လည်း resolution ကိုမူ ကုမ္ပဏီမှ ထုတ်ပြန်ထားခြင်း မရှိပေ။
Fx0 တွင် Qualcomm Snapdragon 400 chipset ကို အသုံးပြုထားသည်။ အဆိုပါ 1.2 GHz quad-core CPU နှင့်အတူ 1.5GB RAM အပြင် သိုလှောင်မှု ပမာဏ 16GB ကိုထောက်ပံ့ပေးထားသည်။ သိုလှောင်မှုပမာဏကို microSD card များဖြင့် တိုးမြှင့်အသုံးပြုနိုင်သည်။ အရှေ့ဘက်တွင် 2.1-megapixel ကင်မရာကို အသုံးပြုထားပြီး ကျောဘက်တွင် LED flash နှင့် ရိုက်ကူးနိုင်မည့် 8-megapixel ကင်မရာကို တပ်ဆင်ပေးထားသည်။ ဘက်ထရီမှာ 2,370 mAh ဖြစ်ပြီး Firefox OS 2.0 ကို အသုံးပြုထားသည်။ အရွယ်အစားမှာ ၁၃၉ x ၇၀ x ၁၀.၅ မီလီမီတာဖြစ်ပြီး အလေးချိန်မှာ ၁၄၈ ဂရမ်ဖြစ်သည်။
အဆိုပါ Fx0 ဖုန်းသည် 4G LTE နှင့် NFC အတွက် အထောက်အပံ့ပေးထားသည့် ပထမဦးဆုံး Firefox OS ဟန်းဆက်လည်း ဖြစသ်ည်။ အကန့်အသတ်ဖြင့်သာ ရောင်းချမည့် ၎င်းစမတ်ဖုန်းကို ဒီဇင်ဘာလ ၂၅ ရက်တွင် စတင်ရောင်းချမည် ဖြစ်ပြီး ကမ္ဘာတစ်ဝန်းတွင် ဇန်နဝါရီလ ၆ ရက်၌ စတင်ရောင်းချမည် ဖြစ်သည်
 
 
Credit to INTERNET JOURNAL