တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံမေးမြန်းခြင်း



တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် တွေ့ဆုံမေးမြန်းခြင်း

ဖေဖော်ဝါရီလ ၁၄ ရက် ညနေပိုင်းက တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် Eleven Media Group မှ တွေ့ဆုံမေးမြန်းခဲ့သည်များအား ဖော်ပြအပ်ပါသည်။

မေး။ ။ အမျိုးသား ပြန်လည်သင့်မြတ်ရေးအတွက် ဒီမိုကရေစီ အင်အားစုတွေနဲ့ တပ်မတော်၊ တိုင်းရင်းသား အင်အားစုတွေနဲ့ တပ်မတော်ရဲ့ အနေအထားကို မေးချင်ပါတယ်။ ဒီမိုကရေစီ အင်အားစုတွေနဲ့ကတော့ လွှတ်တော်ထဲမှာ ထိတွေ့ဆက်ဆံမှုတွေ ရှိနေတယ်။ အဲ့ဒီအတွက်ကြောင့် အကယ်၍များ ၂၀၁၅ ရွေးကောက်ပွဲအလွန်မှာ ဒီမိုကရေစီ အင်အားစုတွေထဲကပဲ အုပ်ချုပ်ရေး မဏ္ဍိုင်နဲ့ တရားစီရင်ရေး မဏ္ဍိုင်တွေမှာ ဒီလူတွေပဲ ပါဝင်ပတ်သက် လာခဲ့မယ်ဆိုရင် တပ်မတော် အနေနဲ့ ဘယ်လိုများ ထိတွေ့ဆက်ဆံဖို့ ဘယ်လိုဆက်လက် လုပ်ဆောင်သွားမလဲဆိုတာ ဗိုလ်ချုပ်မှူးကြီးရဲ့ အမြင်ကို မေးချင်ပါတယ်။
(အင်း....နောက်ရော)
နောက်တစ်ခုက တိုင်းရင်းသား အင်အားစုတွေနဲ့ ပတ်သက်လို့ ဖက်ဒရယ်ကိစ္စနဲ့ ပတ်သက်လို့ သဘောတူညီမှုတွေ ရထားတယ်လို့ သိရှိထားပါတယ်။ ဒါပေမဲ့ တချို့အချက်တွေနဲ့ ပတ်သက်ပြီး မပြေလည်တာလေးတွေ နည်းနည်း ရှိနေတယ်လို့ သိရပါတယ်။ အဲဒီတော့ ဘယ်လို အချက်အလက်တွေကြောင့် မပြေလည်မှုတွေ ရှိခဲ့တာလဲဆိုတာ ဗိုလ်ချုပ်မှူးကြီးရဲ့ အမြင်ကို သိချင်ပါတယ်။
ဖြေ။ ။ ခုနက ဒီမိုကရေစီ အင်အားစုနဲ့ တပ်မတော်ရဲ့ ကဏ္ဍပေါ့။ ဒီခေတ်ကတော့ ပါတီစုံ ဒီမိုကရေစီ လမ်းကြောင်းကို သွားနေတာပေါ့။ ဒီလမ်းကြောင်းကို သွားတာကလည်း ၂၀၀၈ ဖွဲ့စည်းပုံ အခြေခံဥပဒေနဲ့အညီ သွားတာဖြစ်ပါတယ်။ တပ်မတော် အနေနဲ့လည်း သက်ဆိုင်ရာ ကဏ္ဍအလိုက်ပေါ့လေ။ တရားဥပဒေပြုရေး၊ နောက်အုပ်ချုပ်ရေးပိုင်း ဒီနေရာမှာ ဥပဒေနဲ့အညီပဲ ပါဝင်နေတာ ပြောလိုပါတယ်။ ဒီဥပဒေရဲ့ ခွင့်ပြုထားတာကို ကျော်လွန်ပြီးလုပ်လို့လည်း မရပါဘူး။ လုပ်လည်း မလုပ်ပါဘူး။ လုပ်ဖို့လည်း အစီအစဉ် မရှိပါဘူး။ ဥပဒေနဲ့အညီပဲ သွားရမှာပါ။ အဲဒီတော့ အခုလည်း ဒီအုပ်ချုပ်ရေး အဖွဲ့အစည်းနဲ့ တရားဥပဒေပြုရေး အဖွဲ့အစည်းတွေမှာ တပ်မတော်ဟာ လိုအပ်တဲ့ ကူညီပံ့ပိုးမှုနဲ့ အကြံပေးမှုတွေကို လုပ်ပိုင်ခွင့် ရှိတဲ့ဟာကိုပဲ ၀င်လုပ်တာပဲ ရှိပါတယ်။ နောင် ၂၀၁၅ ခုနှစ်အလွန် ကာလမှာ ဘယ်သူပဲ ဘာပဲဖြစ်လာဖြစ်လာ ကိုယ်တို့အနေနဲ့ ဥပဒေနဲ့အညီပဲ ပါဝင်ဆောင်ရွက်မယ် ဆိုတာပဲ ပြောလိုတယ်။ ဘာမှလည်း အဆင်မပြေစရာ အကြောင်း မရှိဘူး။ အဆင်ကို ပြေမှာပဲ။ မလုပ်လို့လည်း မရပါဘူး။ ဒါကတော့ ဥပဒေနဲ့အညီ သွားရမယ့်ကိစ္စ ဖြစ်တော့ တပ်မတော် ဆိုတာကလည်း ဥပဒေကို လေးစားရမယ့်အပိုင်း နံပါတ်တစ် ဖြစ်ပါတယ်။ ဒါဆိုရင်တော့ နံပါတ်တစ် မေးခွန်းနဲ့ လုံလောက်ပါလိမ့်မယ်။

နောက် နံပါတ် (၂) တိုင်းရင်းသားနဲ့ တပ်မတော်နဲ့ အခန်းကဏ္ဍပေါ့။ ဒီမှာကတော့ မြန်မာနိုင်ငံဟာ တိုင်းရင်းသား အဓိက တိုင်းရင်းသားရှစ်မျိုးနဲ့ တိုင်းရင်းသား မျိုးနွယ်စုပေါင်း ၁၀၀ ကျော်လောက် ရှိတာပေါ့လေ။ အတိအကျကတော့ လ၀က,က ထုတ်ပြန်မှပဲ ရမှာပေါ့။ အပြောင်းအလဲလည်း ရှိကောင်း ရှိနိုင်ပါတယ်။ ဆိုတော့ သေချာပိုင်းခြား သတ်မှတ်ထားတဲ့ နယ်နမိတ် အတိအကျ ရှိတယ်။ ဒီထဲမှာ တိုင်းရင်းသားတွေစုပြီး နေတယ်။ တိုင်းရင်းသားတွေ စုပြီးတော့ နိုင်ငံတည်ထောင်ထားတာ မဟုတ်ဘူး။ ဒီအထဲမှာ တိုင်းရင်းသားတွေ အကုန်လုံးစုပြီး နေကြတာ။ ဗမာလည်း ရှိတယ်။ ကချင်၊ ကယား၊ ကရင်၊ ချင်း၊ ဗမာ၊ မွန်၊ ရခိုင်၊ ရှမ်း အကုန်လုံး ရှိကြတယ်။ ဆိုတော့ ဒီဟာအားလုံးဟာ တူညီတဲ့ စိတ်ဆန္ဒပေါ့။ တူညီတဲ့ စိတ်ဆန္ဒနဲ့ သွားဖို့ လိုတာပေါ့။ နိုင်ငံတစ်ခု ဆိုတာက အခု ဒီခေတ်ကြီးမှာ ကမ္ဘာ့နိုင်ငံ အနှံ့ကို ကြည့်မယ်ဆိုရင် ကိုယ့်တိုင်းပြည်နဲ့ ကိုယ့်ဒေသ ဘယ်လိုတိုးတက်အောင် လုပ်မလဲဆိုတဲ့ ဟာကိုပဲ သွားကြတာ။ မြန်မာနိုင်ငံကလည်း ခုနက ထူးခြားချက်က တိကျတဲ့ နိုင်ငံနယ်နိမိတ် အပိုင်းအခြား ရှိပြီးသား ဖြစ်တဲ့အတွက်ကြောင့် ဒီနိုင်ငံအတွင်းက အစိတ်အပိုင်း တစ်ခုကို ဖဲ့ထုတ်ဖို့ ဆိုတာတော့ ဘယ်လိုမှ မဖြစ်နိုင်ဘူး။ ဒါကြောင့် တူညီတဲ့ ရည်မှန်းချက်က ဘာဖြစ်မလဲဆိုတော့ တိုင်းပြည်တိုးတက်အောင် ဘယ်လိုလုပ်မလဲဆိုတဲ့ စိတ်ပေါ့။ အဲဒီတော့ ကိုယ့်ညီမေးတဲ့ ဖက်ဒရယ်လို့ ပြောလိုက်တာပေါ့။ ဖက်ဒရယ်လို့ ဆိုရင် အခုသွားနေတဲ့ လမ်းကြောင်းကလည်း ဖက်ဒရယ် အခြေခံထားတဲ့ ဒီမိုကရေစီစနစ် ကျင့်သုံးတဲ့ ပြည်ထောင်စုနိုင်ငံတစ်ခု ဖြစ်ပါတယ်။ ဒီအပေါ်မှာလည်း definition ဖွင့်တဲ့ အပေါ်မှာ အများကြီး တည်ပါတယ်။ ဒါကတော့ ပြောစရာတွေ အများကြီး ရှိတာပေါ့။ ပြောမယ်ဆိုလည်း တော်တော်နဲ့ ပြီးမှာ မဟုတ်ဘူး။ အဓိက,ကတော့ တိုင်းပြည်ကို ဘယ်လိုကောင်းအောင် လုပ်မလဲဆိုတဲ့ ရည်ရွယ်ချက် ရှိဖို့လိုတယ်။ နောက် ဥပဒေနဲ့အညီ ကိုယ့်ရဲ့ လုပ်ပိုင်ခွင့်တွေကို ရအောင် ဆောင်ရွက်ပြီးတော့မှ တိုင်းပြည် အပေါ်မှာ အလုပ်လုပ်ဖို့ပဲ လိုတယ်လို့ ကိုယ်က ပြောလိုတယ်။ ဒါနဲ့ ပတ်သက်လို့ တပ်မတော်သည် ဒါကို အမြဲတမ်း ရပ်တည် ဆောင်ရွက်သွားမယ်လို့ ပြောလိုတယ်။

မေး။ ။ ရွေးကောက်ပွဲနဲ့ ပတ်သက်လို့ မေးချင်ပါတယ်။ သမိုင်းကြောင်းမှာ အနီးစပ်ဆုံး ၁၉၅၈ ရွေးကောက်ပွဲမှာ တပ်မတော်နဲ့ ပတ်သက်လို့ တပ်မတော် အရာရှိတချို့ ၀င်ရောက်စွက်ဖက်တယ် ဆိုပြီး ထုတ်ပယ်ခံရတာတွေ အပါအ၀င် ဝေဖန်မှုအချို့ ပေါ်ပေါက်ခဲ့ဖူး ပါတယ်။ ဒါပေမဲ့ ၁၉၆၀ နဲ့ ၉၀ ရွေးကောက်ပွဲတွေမှာ တပ်မတော်အနေနဲ့ ကြားနေခဲ့ပါတယ်။ နောက်တစ်ခါ ၂၀၁၀ ရွေးကောက်ပွဲ၊ ဝေဖန်မှုအချို့ ရှိခဲ့တယ်။ ၂၀၁၂ ရွေးကောက်ပွဲမှာ တပ်မတော်က ကြားနေအနေနဲ့ နေခဲ့ပါတယ်။ အဲ့ဒီတော့ အခုမကြာခင် လာတော့မယ့် ၂၀၁၅ ရွေးကောက်ပွဲနဲ့ ပတ်သက်လို့ တပ်မတော်ရဲ့ သဘောထား ဗိုလ်ချုပ်မှူးကြီးတို့ အနေနဲ့ ဒီအပေါ်မှာ ပြောပြနိုင်မယ့် အမြင်တွေကို သိချင်ပါတယ်။
ဖြေ။ ။ ရွေးကောက်ပွဲကတော့ တိုင်းပြည်တစ်ခုရဲ့ ကံကြမ္မာပေါ့လေ။ ကံကြမ္မာကို အဆုံးအဖြတ် ပေးတာပေါ့။ တပ်မတော် အနေနဲ့ကတော့ လွတ်လပ်ပြီး တရားမျှတတဲ့ ရွေးကောက်ပွဲဖြစ်ဖို့ လိုလားပါတယ်။ ဒီဖြစ်နိုင်မှုအတွက်လည်း ကိုယ်တို့ ကြိုးစားနေပါတယ်။ ဒါ့ကြောင့်လည်း ငြိမ်းချမ်းရေးတွေရအောင် ကြိုးစားနေပြီးတော့ လက်နက်ကိုင် ပဋိပက္ခတွေ ရှိနေတဲ့ နယ်မြေတွေမှာ တရားမျှတတဲ့ ရွေးကောက်ပွဲတွေ ဖြစ်နိုင်အောင် အတတ်နိုင်ဆုံး ကြိုးစားတာ။ ဖြစ်နိုင်မယ်၊ မဖြစ်နိုင်ဘူး ဆိုတာကတော့ မပြောနိုင်သေးဘူးပေါ့လေ။ ကိုယ်တို့ အနေနဲ့ကတော့ စောစောက ပြောသလိုပဲ ၁၉၉၀ ပြည့်နှစ် ရွေးကောက်ပွဲ နောက် ၂၀၁၀ ပြည့်နှစ် ရွေးကောက်ပွဲ ဒီရွေးကောက်ပွဲတွေမှာလည်း တပ်မတော်က သူ့နေရာနဲ့သူ သူ့ဆန္ဒရှိတဲ့အတိုင်း မဲပေးခဲ့တာ။ ဒါကလည်း မဲပေးတယ် ဆိုတာကလည်း ရွေးကောက်ပွဲ ကော်မရှင်ကနေ သတ်မှတ်ထားတဲ့ မဲပေးတဲ့ စနစ်အတိုင်းပဲ သွားရမှာ။ အဲဒီ့အတိုင်းပဲ ကိုယ်တို့ဖြစ်အောင် လုပ်ပါမယ်။ အတတ်နိုင်ဆုံးလည်း Free and Fair ဖြစ်အောင် လုပ်ပေးမယ်လို့ ကိုယ်ကတော့ ရည်ရွယ်ထားတယ်။ ဖြစ်လည်း ဖြစ်စေချင်တာပေါ့။ ဒါတွေက သမိုင်းမှာ မှတ်တမ်းတင် ၀င်သွားမယ့် ကိစ္စရပ်တွေ ဖြစ်တာကိုး။ ဒါကြောင့် ကိုယ်တို့ အနေနဲ့ အမှားအယွင်း မခံဘူး ဆိုတာကိုတော့ ပြောလိုပါတယ်။

မေး။ ။ အခု အပြင်မှာ ခန့်မှန်းမှုတွေ၊ သုံးသပ်မှုတွေ ရှိပါတယ်။ ၂၀၁၅ ရွေးကောက်ပွဲဟာ အတိုက်အခံပါတီ တစ်ခုဖြစ်တဲ့ NLD ပါတီ အခြေအနေ ကောင်းနိုင်တယ်ဆိုတဲ့ သုံးသပ်မှုတွေ ရှိနေပါတယ်။ အဲဒီ အတွက်ကြောင့် အကယ်၍များ သုံးသပ်တဲ့အတိုင်းပဲ NLD နဲ့ ပတ်သက်တဲ့ သူတွေပဲ အစိုးရ တစ်ရပ်အဖြစ် ရှိလာခဲ့မယ်ဆိုရင် တပ်မတော်အနေနဲ့ ဘယ်လိုများ ထိတွေ့ဆက်ဆံမှုတွေ ရှိသွားနိုင်မလဲ၊ ဒါ့အပြင် ဒီရွေးကောက်ပွဲအပေါ် ဗိုလ်ချုပ်မှူးကြီးတို့ရဲ့ အမြင်ကိုလည်း သိလိုပါတယ်။
ဖြေ။ ။ ဒါကတော့ ခုနဟာနဲ့ ဆက်စပ်တဲ့ကိစ္စ ဖြစ်သွားပြီ။ အဲ... တို့က ဘာပဲလုပ်လုပ် အလုပ်တစ်ခု လုပ်မယ်ဆိုရင် ဥပဒေနဲ့ အညီပဲ သွားရမှာပေါ့။ ဥပဒေနဲ့အညီ သွားရမယ်။ အဲဒီတော့ ရွေးကောက်ပွဲမှာ ဘယ်သူပဲ တက်လာတက်လာ ဥပဒေနဲ့ အညီတော့ သူ့မှာ ပြဌာန်းထားတဲ့အတိုင်း ပြောဆိုလုပ်ကိုင်သွားမှာ ဖြစ်ပါတယ်။ နောက်တစ်ခုကလည်း ဒီရွေးကောက်ပွဲမှာ ဟိုလူနိုင်မယ်၊ ဒီလူနိုင်မယ်၊ ဟိုလူရမယ် ဒီလူရမယ် ဆိုတာကတော့ ကြိုတင်မှန်းဆချက်သာ ဖြစ်တာပေါ့။ ကြိုတင်မှန်းဆချက် ဆိုတာကလည်း တချို့ကလည်း ခက်တော့ခက်ပါတယ်။ မှန်ရင်လည်း မှန်မှာပေါ့။ မှားရင်လည်း မှားသွားမှာပေါ့။ အဲဒီတော့ ဒါကို လျှောက်ပြီး တွေးနေမယ့်အစား တကယ်လို့ ဒီလို ဒီအခြေအနေ ဖြစ်လာပြီဆိုရင် ဘယ်လို သွားမလဲဆိုတာ ရင်ဆိုင်သွားနိုင်ဖို့အတွက် နည်းလမ်း၊ အဲ့နည်းလမ်းက ဘာလဲဆိုတော့ ဥပဒေနဲ့အညီ သွားချင်တယ်။ နောက် နိုင်ငံ့ရင့်ကျက်မှုပေါ့။ ဒီပေါ်မှာလည်း နားလည်မှုရှိဖို့ လိုတာပေါ့။ ဘယ်နိုင်ငံပဲ ဖြစ်ဖြစ် ဒီမိုကရေစီ နိုင်ငံတွေမှာ ရွေးကောက်ပွဲ လုပ်လို့ရှိရင် ဒီမိုကရေစီရင့်တဲ့ နိုင်ငံတွေကျတော့ ရွေးကောက်ပွဲ ရလဒ်ကို ပြဿနာ မရှိပေမယ့်လည်း ဒီမိုကရေစီ မရင့်ကျက်တဲ့ နိုင်ငံတွေမှာတော့ ရွေးကောက်ပွဲရလဒ် ထွက်လာပြီ ဆိုလို့ရှိရင် အနည်းနဲ့အများ ပြသနာတွေ ဖြစ်တာကို ကိုယ်တို့ တွေ့ရတယ်။ ဒါကို ကျော်လွှားနိုင်ဖို့ပဲ လိုပါတယ်။ ဒါကို ကျော်လွှားနိုင်မယ်ဆိုရင် ဘာမှ ပြဿနာ ဖြစ်စရာ မရှိဘူးလို့ ပြောလိုပါတယ်။

မေး။ ။ ဒါလေးနဲ့ ဆက်စပ်ပြီး ဖြည့်စွက်မေးချင်တာက စောစောက ပြောတဲ့ ဒီမိုကရေစီ ရင့်ကျက်ပြီး နိုင်ငံတွေနဲ့ ဒီမိုကရေစီ မရင့်ကျက်သေးတဲ့ နိုင်ငံတွေမှာ ရွေးကောက်ပွဲ ရလဒ်တွေအပေါ် မူတည်ပြီး ကျော်ဖြတ်ဖို့ လိုတယ်ဆိုတဲ့ ဗိုလ်ချုပ်မှူးကြီးရဲ့ သုံးသပ်ချက် စကားပေါ် မူတည်လို့ ကျွန်တော်တို့နိုင်ငံ အနေနဲ့ရော ဘယ်လိုမျိုး ထင်မြင်ယူဆ ပါသလဲ။ အဲဒီ ရင့်ကျက်ခြင်း၊ မရင့်ကျက်ခြင်းနဲ့ ဒီရလဒ်တွေ အပေါ်မှာ အမြင်ကို သုံးသပ်ပေးစေ ချင်ပါတယ်။
ဖြေ။ ။ တို့လူမျိုးတွေက ဗုဒ္ဓဘာသာ ကိုးကွယ်သူ အများစု ဖြစ်ပါတယ်။ တကယ်တော့ အေးအေးချမ်းချမ်း နေကြတဲ့ သူတွေပါပဲ။ ဒီအပေါ်မှာ လှုံ့ဆော်မှုတွေ ဖြစ်လာပြီ ဆိုရင်တော့ တမျိုးပြောင်းလဲမှာပေါ့။ ဒါကိုတော့ နည်းနည်းလေး သတိထားရမယ့် သဘောပါ။ ပြင်ပရဲ့ လှုံ့ဆော်မှုတွေ မရှိဘူးဆိုရင် ကိုယ်ထင်ပါတယ်။ အေးအေးဆေးဆေးနဲ့ ပြီးသွားမယ့် သဘောပဲ ရှိပါတယ်။ လူဆိုတာတော့ ဒီလိုပါပဲ။ ပြောကြမှာပါပဲ။ ကိုယ့်ရဲ့ အခွင့်အရေး ကိုယ်မရနိုင်ဘူး ဆိုရင်တော့ မကျေနပ်ချက်တွေ ဖော်ထုတ်မှာပေါ့။ မကျေနပ်ချက်တွေ အဲဒီ မကျေနပ်ချက်တွေ အပေါ်မှာ နောက်တစ်ခုကနေ မင်းဟုတ်တယ်လို့ သွားပြောလိုက်ရင်တော့ ပိုပြီးပေါက်ကွဲ လာမှာပေါ့။ ဒါမျိုး မဖြစ်ဖို့ပဲ လိုတာပါပဲ။

မေး။ ။ အမျိုးသား ပြန်လည်သင့်မြတ်ရေး၊ ရွေးကောက်ပွဲ ကိစ္စတွေနဲ့ ပတ်သက်ပြီး မေးမြန်းခဲ့တဲ့အပေါ် သီးခြားဖြည့်စွက် ပြောလိုတာ ရှင်းလင်း အသိပေးလိုတာရှိရင် ပြောကြားပေးစေ လိုပါတယ်။
ဖြေ။ ။ နိုင်ငံသား အားလုံးက တူညီတဲ့ ရည်မှန်းချက်ရှိဖို့ လိုပါတယ်။ တူညီတဲ့ ရည်မှန်းချက် ဆိုတာ တိုင်းပြည် ဘယ်လိုကောင်းအောင် လုပ်မလဲ။ တိုင်းပြည် ဘယ်လို တိုးတက်အောင် လုပ်မလဲ။ ကောင်းအောင် လုပ်တာနဲ့၊ တိုးတက်အောင် လုပ်တာ အဓိပ္ပာယ်ခြင်း မတူပါဘူး။ ကောင်းအောင်လုပ်မလား တိုးတက်အောင် လုပ်မလား။ သူများတိုင်းပြည်တွေ တိုးတက်တာ သွားပြီး အားကျနေလို့ မရဘူး။ ကိုယ့်တိုင်းပြည်အတွင်းမှာ ကိုယ့်လူတွေ အားလုံး စုစုစည်းစည်း လုပ်နိုင်တဲ့ဟာမျိုး ဖြစ်အောင် ဖန်တီးဖို့ လိုပါတယ်။ တိုင်းပြည်ရဲ့ အားဟာ ပြည်တွင်းမှာပဲ ရှိပါတယ်။ သူများတိုင်းပြည် အားကိုးလို့ မရပါဘူး။ သူများတိုင်းပြည် အားကိုးတယ်ဆိုတာ ခဏပဲ ဖြစ်ပါလိမ့်မယ်။ အမြဲတမ်း ခိုင်အောင် လုပ်ရမှာက ကိုယ့်ပြည်သူ ပြည်သားတွေရဲ့ တာဝန်ပဲ ဖြစ်ပါတယ်။ အကုန်လုံး အသိတရား ရှိရှိနဲ့ ပူးပေါင်းဆောင်ရွက်ဖို့ပဲ လိုပါတယ်လို့ ပြောလိုတယ်။

မေး။ ။ အခု ကျွန်တော် မေးမြန်းမှုက နောက်ဆုံးပိုင်း ရောက်လာပါပြီ။ ဒီအပိုင်းမှာ ဗိုလ်ချုပ်မှူးကြီးရဲ့ ပုဂ္ဂိုလ်ရေးဘ၀နဲ့ ဆိုင်တဲ့ အကြောင်းအရာတွေကို မေးချင်ပါတယ်။ ဒါနဲ့ ပတ်သက်ပြီး မေးခွင့်ပြုပါ။
ဖြေ။ ။ ဖြေနိုင်တဲ့ဟာလည်း ဖြေတာပေါ့။

မေး။ ။ ဗိုလ်ချုပ်မှူးကြီးရဲ့ ပုဂ္ဂိုလ်ရေးဘ၀ အကျဉ်းချုပ်ကို မိဘအခြေအနေကအစ ဖြတ်သန်းမှု အကျဉ်းမျှ ပြောပြနိုင်သလောက် ပြောပြပေးစေချင်ပါတယ်။
ဖြေ။ ။ ကိုယ့်မိဘတွေက ထားဝယ်က ဖြစ်ပါတယ်။ အဖေက ပြည်သူ့ဆောက်လုပ်ရေး လုပ်ငန်းက အရာရှိတစ်ယောက် ဖြစ်ပါတယ်။ အနုပညာနဲ့ ပတ်သက်ရင် ပန်းချီဆွဲတာပေါ့။ ပန်းချီဆရာပေါ့။ ပန်းချီဦးခင်လှိုင်လို့ ခေါ်ပါတယ်။ အဖေရော၊ အမေရော ထားဝယ်သူ၊ ထားဝယ်သားတွေ ဖြစ်ပါတယ်။ အဖေက အစိုးရ၀န်ထမ်း ဖြစ်တဲ့အတွက် တာဝန်ထမ်းဆောင်တဲ့ နေရာတွေကို နေရတာ ဆိုတော့ မန္တလေးမှာလည်း နေခဲ့တယ်။ မင်းဘူးမှာလည်းနေခဲ့တယ်၊ ရန်ကုန်မှာလည်း နေတယ်။ ရန်ကုန်မှာ ၁၉၇၂ ခုနှစ် ၁၀ တန်းအောင်တယ်။ အ.ထ.က (၁)လသာကနေ ဆယ်တန်းအောင်တယ်။ အဲဒီကနေ တက္ကသိုလ်တက်တယ်။ ၇၂ ခုနှစ် ရန်ကုန်တက္ကသိုလ်မှာ ဥပဒေပညာဌာနမှာ ဥပဒေပညာ အဓိကနဲ့ တက်တယ်။ ၇၃ ခုနှစ် ကုန်တဲ့အထိ တက်တယ်။ ဒုတိယနှစ် နှစ်ဝက်လောက်အထိတက် တယ် ။ အဲဒီကနေ ၇၄ ခုနှစ်မှာ တပ်မတော်ထဲ ၀င်ခဲ့တယ်။ ၇၇ ခုနှစ်မှာ ပြန်တမ်းဝင် အရာရှိ ခန့်အပ်ခံရတယ်။ စစ်တက္ကသိုလ် အပတ်စဉ် ၁၉ ကနေ ဆင်းတာ။ အဲဒီတော့ ၇၇ ဒီဇင်ဘာလောက်မှာ ကျောင်းဆင်းပြီး အဲဒီကနေ ဒုဗိုလ်၊ အရာရှိငယ် ဘ၀ပေါ့။ အရာရှိငယ်ဘ၀ တောက်လျှောက် များသောအားဖြင့် ခြေလျင်တပ်တွေမှာပဲ နေခဲ့တာ များပါတယ်။ ၁၉၉၄ ခုနှစ်မှာ တပ်ရင်းမှူး ဖြစ်ပါတယ်။ ဒုတိယ ဗိုလ်မှူးကြီး ၉၅ မှာ တင်တာပေါ့လေ။ ၉၉ ခုနှစ်မှာ ဗျူဟာမှူး ဖြစ်ပါတယ်။ ကာနယ်အဆင့် ဖြစ်ပါတယ်။ နောက် နိုင်ငံတော်ကာကွယ်ရေး တက္ကသိုလ်တက်တယ်။ ၂၀၀၁ ခုနှစ်မှာ တပ်မမှူး ဖြစ်တယ်။ တပ်မမှူးကတော့ တပ်မ ၄၄ ပေါ့လေ။ တပ်မ ၄၄ ခြေမြန်တပ်မမှူး ဖြစ်တယ်။ အဲဒီကမှ စစ်တက္ကသိုလ်မှာ ကျောင်းအုပ်ကြီး ဖြစ်ပါတယ်။ ၂၀၀၃ ခုနှစ်ပေါ့။ ၂၀၀၄ ခုနှစ်မှာ တိုင်းမှူး ဖြစ်ပါတယ်။ နပခပေါ့။ အဲဒီကနေ ပြီးတော့မှ တြိဂံတိုင်းမှူးအဖြစ် ပြောင်းပြီး ၂၀၀၈ ခုနှစ်အထိ တိုင်းမှူး လုပ်ခဲ့တယ်။ ၂၀၀၈ ခုနှစ်မှာ ကာကွယ်ရေးဦးစီးချုပ်ရုံးမှာ စစ်ဆင်ရေး အထူးအဖွဲ့မှူး ဖြစ်ပါတယ်။ အဲဒီကနေပြီးတော့ ညှိနှိုင်းကွပ်ကဲရေးမှူး၊ နောက် ၂၀၁၁ ခုနှစ်မှာ တပ်မတော်ကာကွယ်ရေး ဦးစီးချုပ် ဖြစ်ခဲ့တာပေါ့။ ဒါကတော့ အကြမ်းဖျဉ်းပေါ့။ ဇနီး ရှိတာပေါ့။ သိမှာပေါ့။ ဒေါ်ကြူကြူလှလို့ ခေါ်ပါတယ်။ သမီးတစ်ယောက်၊ သားတစ်ယောက် ရှိပါတယ်။ ဒါကတော့ အကြမ်းဖျဉ်းပေါ့။

မေး။ ။ ဗိုလ်ချုပ်မှူးကြီး အနေနဲ့ မိမိရဲ့ အလုပ်အပေါ်မှာ ခံယူတဲ့ ခံယူချက်နဲ့ ဘ၀အပေါ်မှာ ခံယူတဲ့ ခံယူချက်ကို ပြောပြပေးစေချင်ပါတယ်။
ဖြေ။ ။ လူဆိုတာကတော့လေ ကိုယ့်အတွက် နံပါတ်တစ်အချက် ကိုယ့်ကိုကိုယ် တိုးတက်အောင် ဘယ်လိုကောင်းအောင် လုပ်မလဲဆိုတဲ့ ဒီလိုစိတ် ရှိပါတယ်။ ကိုယ်လည်း ဒီလိုပါပဲ။ ငါ့ဘ၀ကို ဘယ်လိုကောင်းအောင် လုပ်မလဲ။ ငါ့ဘ၀ ဘယ်လိုတိုးတက်အောင် လုပ်မလဲဆိုတဲ့စိတ် ရှိပါတယ်။ ဒီလိုနဲ့ ကြိုးစားတာပေါ့။ နောက်တစ်ခုကလည်း ကိုယ်နဲ့ လုပ်ဖော်ကိုင်ဘက်တွေ ကိုယ့်ရဲ့အောက်က လက်အောက်ငယ်သားတွေ ဒါ အခုကတော့ လက်အောက်ငယ်သားလို့ ပြောလို့ရတာပေါ့။ လုပ်ဖော်ကိုင်ဖက် ဆိုတာလည်း ရှိတာပေါ့။ personal အရ ပြောမယ် ဆိုရင်တော့ ငါ့ကိုယ်ငါ ဘယ်လိုကောင်းအောင် လုပ်မလဲဆိုတဲ့ စိတ်၊ တိုးတက်အောင် ဘယ်လိုလုပ်မလဲ ဆိုတဲ့ စိတ်ပေါ့။ ဒါပေမဲ့ သူများ အပေါ်မှာတော့ နင်းပြီးတော့ လုပ်မယ့်စိတ် လုံးဝမရှိဘူး။ နောက် ကိုယ့်အောက်က လုပ်ဖော်ကိုင်ဘက်တွေကိုလည်း သူတို့ ဘယ်လိုကောင်းအောင် လုပ်နိုင်မလဲဆိုတဲ့ ပူးပေါင်းဆောင်ရွက်နိုင်မယ့် နည်းလမ်း ကူညီပေးနိုင်မယ့် နည်းလမ်းကို ရှာပါတယ်။ လက်အောက်ငယ်သားကိုလည်း အကြံဉာဏ် ပေးတာပေါ့။ တိုက်တွန်းတာပေါ့။ ဒီလိုပဲ ကိုယ်စိတ်ရှိပါတယ်။ နောက် ကိုယ့်ဒေသ ကိုယ်တို့ဆို တပ်မတော်ပေါ့။ တပ်မတော်ကို တာဝန်ရှိတယ်။ တပ်မတော်ကောင်းအောင် ဘယ်လိုလုပ်မလဲ။ ငယ်ငယ်ကတည်းက ကိုယ့်တပ်မှာ ဆိုရင်လည်း သူများတပ်စုထက် ကောင်းအောင် ဘယ်လိုလုပ်မလဲ။ ဘယ်လို အားသာအောင်။ ကိုယ့်တပ်ခွဲကိုလည်း သူများတပ်ခွဲနဲ့ ယှဉ်ရင် ဘယ်လိုကောင်းအောင် လုပ်မလဲ။ ကိုယ့်တပ်ရင်းဆိုလည်း သူများတပ်ရင်းနဲ့ ယှဉ်ရင် ကိုယ့်တပ်ရင်း ဘယ်လိုအားသာအောင် လုပ်မလဲ ဒီလို ကြိုးစားတာပေါ့။ ဒါကတော့ စစ်သားရဲ့ ဘ၀မှာ ဒီလိုပဲ ကြိုးစားခဲ့တာပေါ့။ အဲလိုပဲ သူများကိုလည်း ဒီလိုပဲ တိုးတက်စေချင်တဲ့စိတ်၊ တိုက်တွန်းချင်တဲ့စိတ် ရှိတယ်။ ကောင်းစေချင်တဲ့စိတ် ရှိတယ်။ မကောင်းတဲ့စိတ်ကို အားပေးအားမြှောက်လုပ်တာ ဘာတစ်ခုမှ မရှိဘူး။ ကိုယ့်ရဲ့ ပုဂ္ဂိုလ်ရေးအရ ပြောရရင် အသောက်အစား အပျော်အပါးနဲ့ ပတ်သက်ရင် ဆေးလိပ်တို့၊ စီးကရက်တို့ ကွမ်းစားတာတို့ကိုလည်း မလုပ်ပါဘူး။ ဒါတွေလည်း မရှိဘူး။ သူများကိုလည်း အားမပေးဘူး။ အရက်လည်း ဒီလိုပဲ။ ဆင်ဆင်ခြင်ခြင်ပေါ့လေ။ ဆင်ဆင်ခြင်ခြင် သုံးကြ ပြုကြဖို့ တိုက်တွန်း မှာကြားတာပေါ့။ ဒီလိုတော့ ရှိတယ်။ နောက်တစ်ခါ တခြား ကျန်းမာရေးဆိုလည်း ဒီလိုပဲ ဘယ်လိုကောင်းအောင် လုပ်မလဲဆိုတဲ့စိတ် သူများကိုလည်း မင်း ဘယ်လိုနေရင် ကောင်းမလဲဆိုတဲ့ အကြံပြုချက်ပဲ ရှိတာပေါ့။ ဒီလိုပဲ ရှိပါတယ်။ ဒါတွေကတော့ ကိုယ့်ရဲ့ ပုဂ္ဂိုလ်ရေး လုပ်ဆောင်ချက်လေးတွေပါ။

မေး။ ။ မကြာသေးခင်က 7 day သတင်းမှာ ဖော်ပြထားတဲ့ သတင်းတစ်ခုက ၂၀၁၅ ကုန်လောက်ဆိုရင် ဗိုလ်ချုပ်မှူးကြီးဟာ အသက် ၆၀ ပြည့်တော့မယ် ဆိုတာ ဖတ်ရပါတယ်။ ဒါပေမဲ့ ကျွန်တော်တို့ သိသလောက် ၂၀၁၆ ကျမှသာလျှင် ပြည့်လိမ့်မယ်လို့ ဒါကတော့ ကျွန်တော်တို့ သိရှိချက်ပါ။ မှန်၊ မမှန်တော့ မသိပါဘူး။ အဲဒီတော့ ကျွန်တော်တို့ သိချင်တဲ့ မေးခွန်းက အကယ်၍များ အသက် ၆၀ ပြည့်လို့ရှိရင် သတ်မှတ်ထားတဲ့ စည်းမျဉ်း၊ စည်းကမ်းတွေအရ အနားယူဖို့ ပြောခဲ့ဖူးတဲ့အတိုင်းပဲ ဖြစ်မလား (သို့မဟုတ်) သမ္မတ အပါအ၀င်ကပေါ့ ဒီနေရာမှာ ဆက်လက်တာဝန် ထမ်းဆောင်ဖို့ အခြေအနေ ပေါ်ပေါက်ခဲ့မယ် ဆက်လက်ထမ်းဆောင်ဖို့ တာဝန်ပေးချင်ကြမယ်၊ လိုလားကြမယ် ဆိုရင် ဗိုလ်ချုပ်မှူးကြီးမှာ ဘယ်လိုသဘောထားများ ရှိမလဲဆိုတာ သိချင်ပါတယ်။
ဖြေ။ ။ လတ်တလောအတွင်း လက်ရှိအခြေအနေ အတွင်းမှာ တပ်မတော်ကာကွယ်ရေး ဦးစီးချုပ်ရဲ့ လုပ်ငန်းကတော့ တော်တော်လေး ကျယ်ပြန့်တယ်။ အများကြီးလည်း ရှုပ်ထွေးပါတယ်။ အများကြီးပဲလည်း ကြိုးစားပမ်းစားနဲ့ တကယ်ကို စိတ်ရော၊ ကိုယ်ရော နှစ်ပြီးတော့ လုပ်တာ ဖြစ်တဲ့အတွက်ကြောင့် ဒီကိစ္စတွေကိုတော့ သိပ်လည်း ခေါင်းထဲမှာ မရှိပါဘူး။ အတွေ့အကြုံကတော့ ဖြတ်သန်းခဲ့တဲ့ အတွေ့အကြုံကတော့ ရှိပါတယ်။ ရှိတဲ့အတွက်ကြောင့် ဦးစားပေးဖို့ အစီအစဉ်ထဲမှာတော့ ကိုယ့်မှာ မရှိဘူး။ နောက်တစ်ခုက ၂၀၁၆ ကတော့ ဟုတ်ပါတယ်။ ၂၀၁၅ မှာ မဟုတ်ပါဘူး။ ၂၀၁၆ မှာပြည့်မှာ ဖြစ်ပါတယ်။ စောလည်း စောပါသေးတယ်။ ၂၀၁၅ အောက်တိုဘာ၊ နိုဝင်ဘာ ရွေးကောက်ပွဲဆိုတော့ အသက်လည်း မပြည့်သေးပါဘူး။ အဲဒီကျတော့ တိုင်းပြည်ရဲ့ လိုအပ်ချက် ဘယ်လိုရှိမလဲ။ တပ်မတော်ရဲ့ လိုအပ်ချက် ဘယ်လိုရှိမလဲ ဆိုတာကိုတော့ ကိုယ်လည်း မပြောနိုင်သေးဘူး။ ဒီမှာလည်း မျိုးစုံပြောနေကြတာ ရှိတယ်။ ပုဂ္ဂိုလ်ချင်း တစ်ဦးချင်းရဲ့ ထုတ်ဖော်ပြောဆိုမှုတွေ ရှိတယ်။ ပတ်ဝန်းကျင်ကနေပြီးတော့မှ သုံးသပ်ချက်တွေနဲ့ ပြောနေကြတာတွေ ပြောဆိုမှုတွေလည်း ရှိတယ်။ ဒါတွေကတော့ သူတို့ရဲ့ သုံးသပ်ချက် တစ်ဦးချင်းရဲ့ အမြင်သာ ဖြစ်ပါတယ်။ ကိုယ့်အနေနဲ့ ကတော့ ဒီဟာနဲ့ ပတ်သက်ပြီး သိပ်ရှေ့တန်း မပေးဘူး ဦးစားမပေးဘူးလို့ပဲ ပြောချင်ပါတယ်။  

မေး။ ။ ဒါနဲ့ ဆက်စပ်ပြီး တစ်ခုလောက် မေးခွင့်ပြုပါ။ နိုင်ငံရေး နယ်ပယ်ထဲ ၀င်ရောက်ပြီး ဆောင်ရွက်ဖို့များ ရည်ရွယ်ထားတာ ရှိပါသလား။ ဒါမှမဟုတ် လက်ရှိမှာ ဘယ်လို ဆုံးဖြတ်ချက်မျိုး ချမယ်၊ မချဘူး ဆိုတာ ဘာမှ မဆုံးဖြတ်ထားရသေးတဲ့ အခြေအနေ၊ အနေအထားမျိုးများလား ဆိုတာ ...။
ဖြေ။ ။ ဘာမှကို မစဉ်းစားထားသေးဘူး။ ခုနက ပြောသလိုပေါ့။ ဘာမှ မစဉ်းစားထားသေးဘူး။ ဘာလို့လည်း ဆိုတော့ တိုင်းပြည်ရဲ့ လိုအပ်ချက် တပ်မတော်ရဲ့ လိုအပ်ချက် ဘာမှန်းဆိုတာ ကိုယ်တို့  မပြောနိုင်သေးဘူး။ လောလောဆယ် ဘာမှ မပြောနိုင်သေးပါဘူး။

မေး။ ။ ဒါဆိုရင်ဘာမှ မဆုံးဖြတ်ရသေးတဲ့ အခြေအနေပေါ့။
ဖြေ။ ။ဒါပေမယ့် ဘယ်လိုပဲဖြစ်ဖြစ် အကောင်းဆုံး လုပ်မယ်ဆိုတဲ့ ဆုံးဖြတ်ချက်တော့ ရှိပါတယ်။ ဘယ်လိုပဲဖြစ်ဖြစ် တိုင်းပြည် အကျိုးရှိအောင် လုပ်မယ်ဆိုတဲ့စိတ် ရှိတယ်ဆိုတာ ပြောရဲပါတယ်။

မေး။ ။ နောက်ဆုံး အနေနဲ့ ကျွန်တော်တို့နိုင်ငံမှာ လက်ရှိ ဖြစ်ပေါ်နေတဲ့ အခြေအနေတွေ၊ တရုတ်-မြန်မာ နယ်စပ်ဒေသမှာ ပေါ်ပေါက်နေတဲ့ တိုက်ပွဲကိစ္စတွေနဲ့ ပတ်သက်ပြီး ပြောပြပေးစေ ချင်ပါတယ်။
ဖြေ။ ။ လက်ရှိနိုင်ငံရဲ့ အနေအထားက ကိုယ်က အတွေ့အကြုံ လည်း အင်မတန် နည်းပါသေးတယ်။ လေးနှစ်ကာလပဲ ရှိသေးတာဆိုတော့ ဒါကြောင့် ဒီအပေါ်မှာ စိတ်ရှည်သည်းခံပြီး လုပ်ဖို့တော့ လိုလိမ့်မယ်။ မေတ္တာရပ်ခံ ချင်တာကတော့ တရားဥပဒေနဲ့အညီ သွားကြဖို့ပေါ့။ ကိုယ့်ရဲ့ သက်ဆိုင်ရာ ကဏ္ဍအလိုက် ကြိုးစားလုပ်ကြဖို့ လိုပါတယ်။ အလုပ်သမားကလည်း အလုပ်သမားအလျောက်၊ လယ်သမားကလည်း လယ်သမားအလျောက်၊ ကျောင်းသားကလည်း ကျောင်းသားအလျောက်ပေါ့၊ တပ်လည်း တပ်အလျောက်၊ ၀န်ထမ်းလည်း ၀န်ထမ်းအလျောက် သူ့နယ်ပယ် အတွင်းမှာ အကောင်းဆုံးဖြစ်အောင် ကြိုးစားပြီး ဆောင်ရွက်သွားစေချင်တာပေါ့။ လူဆိုတာက လိုအပ်ချက် ရှိမှာပဲ။ တချို့လိုအပ်ချက်တွေမှာတော့ ပတ်ဝန်းကျင်ကနေ လှုံ့ဆော်မှုကြောင့် ဖြစ်လာတဲ့ ပယောဂတွေကြောင့် ဖြစ်လာတဲ့ ဟာတွေမှာ ဒါတွေကို အသိတရားနဲ့ နည်းနည်းထိန်းဖို့ လိုပါတယ်။ ဒါဟာ တိုင်းပြည်ရဲ့ တိုးတက်မှုမှာ အင်မတန် အရေးကြီးတဲ့ ကိစ္စပါ။

နောက် ခုနကပြောတဲ့ နယ်စပ်ဒေသ ကိစ္စကလည်း ဒီလိုပါပဲ။ သတိတရား ရှိရှိနဲ့ လုပ်မယ်ဆိုလို့ ရှိရင်ရတယ်။ နောက်တစ်ခါ စည်းလုံးညီညွတ်တဲ့ အင်အားနဲ့ လုပ်မယ်ဆိုရင် ရတယ်လို့ ကိုယ်ပြောလိုတယ်။ ဘာမှ ကြောက်စရာ မရှိပါဘူး။ တိုင်းပြည်ရဲ့အားက ပြည်တွင်းမှာပဲ ရှိပါတယ်။ ကိုယ် ပြည်သူအားကို ယုံပါတယ်။

မေး။ ။ အခုလို ဖြေကြားပေးတာ ကျေးဇူးတင်ပါတယ်။ တခြားဘာများ ဖြည့်စွက်ပြောချင်တာ၊ တခြား ပြောချင်တာတွေများရှိရင် ပြောကြားပေးပါ။
ဖြေ။ ။ ထူးထူးခြားခြားတော့ မရှိပါဘူး။ တကယ်တမ်းတော့ တိုင်းပြည်ရဲ့ လူထုအနေနဲ့ အမှန်ကို သိရှိပြီးတော့မှ ဆင်ခြင်တုံတရားနဲ့ လုပ်နိုင်အောင် ဖန်တီးပေးကြဖို့ပဲ ပြောလိုပါတယ်။ 


Copied from EMG